Eduardo Chillida

Eduardo Chillida 1924an jaio zen, Donostian. 1943an Madrilera joan zen arkitektura- ikasketak egitera; baina bertan behera utzi zituen eskultura bere benetako pasioa zela konturatu zenean. Dena den, Chillidak marrazkia, collagea eta teknika grafikoak eta beste teknika batzuk ere landu zituen.
Lehenengo erakusketa Parisen egin zuen 1950ean, eta harrezkero haren lana nazioarteko galeria eta museorik ospetsuenetan ikusi ahal izan da; horretaz gain, haren obra mundu guztiko hogei museotan baino gehiagotan dugu ikusgai. Obra publikoari dagokionez, 43 eskultura ditu jarrita munduan zehar: AEBen, Espainian, Frantzian, Alemanian, Finlandian, Suitzan, Japonian. Euskal Herrian kokatu zituen eskulturen artean, ezagunenak hauek dira: Haizearen orrazia (Donostia), Gure aitaren etxea (Gernika), Foruen Omenaldia (Gasteiz) eta Lizardiren Leihoa (Tolosa).

Zorionez, haren lanaren bilduma Hernani herrian (Gipuzkoa) kokatuta dagoen Chillida-Leku Museoan ikus daiteke. Sari ugari jaso zituen; besteak beste: Veneziako Bienala, Kandinsky, Wilhem Lehmbruck, Asturiasko Printzea, Kaiserring alemaniarra. 2000 urtean Honoris causa doktore izendatu zuen Unibertsitate Konplutentseak. 2002ko abuztuaren 19an hil zen Donostian.

Eskulturak

Izenburua Lizardiren Leihoa  Lekua Tolosa Andre Maria plaza, Aranburu jauregiaren ondoan  Materiala Altzairua  Neurriak 225x121x26,5 cm  Inaugurazioa 1983ko abenduaren 11n  Sustatzailea Tolosako Udala

Izenburua Begirari IV  Lekua Bilbo Pedro Arrupe pasabidea  Materiala Altzairua  Neurriak 700 cm  Inaugurazioa 2003an  Sustatzailea Instituzionala

Izenburua Foruen Omenaldia  Lekua Gasteiz Foruen enparantza  Materiala Reko altzairua  Neurriak 200x100x100 cm  Inaugurazioa 1981ean  Sustatzailea Arabako Foru Aldundia

Izenburua Haizearen Orrazia  Lekua Donostia Haizearen Orrazia pasalekua  Materiala Altzairua  Neurriak 177x185x215 cm  Inaugurazioa 1976an  Sustatzailea Donostiako Udala

Izenburua Omenaldia Flemingi  Lekua Donostia Kontxako Pasalekua  Materiala Granitoa  Neurriak   Inaugurazioa 1990  Sustatzailea Donostiako Udala

Izenburua Gure aitaren etxea  Lekua Gernika Europa parkean  Materiala Hormigoia/Altzairua  Neurriak 700x500 cm  Inaugurazioa 1988an  Sustatzailea Eusko Jaurlaritza