Koldobika Jauregi

Kantu Isila IX

Izenburua Kantu Isila IX  Egilea Koldobika Jauregi  Lekua Zabalarreta parkea, Tolosa, Gipuzkoa.  Materiala Markinako harri beltza  Neurriak 145 x 290 x 40 cm  Inaugurazioa 2007ko urtarrilaren 18a  Sustatzailea Tolosako Udala

Hilarrien egitura duen eskultura hau burutzeko Markinako harri beltza erabili du Koldobika Jauregik. Euskal Herrian Erdi Aroan eta Errenazimentu garaiko hilobietan aurkitu dira hildakoen ohorez jartzen ziren hilarri gehienak. Jarrera ausarta azaldu du Jauregik, hilarria etzanda jarri duelako eta materialak dituen posibilitateak baliatuz ahalik eta etekin handiena lortu duelako.
Harri beltz honekin, bolumenak eta xehetasunak sortzeko hainbat kolore-tonalitate ezberdin lortu ditu. Batzuetan erabili dituen tresnen arrastoak bistan utziz, besteetan harria leunduz, harriak berez dituen kolore gama guztiak azalerazi dizkio, grisetik beltzeraino. Bolumena azpimarratzeko orduan, hondoan geratzen dena ilunagoa da. Gainazalak bolumen anitzak dituzten forma geometrikoez osaturik daudenez, argi-itzalekin efektu bereziak sortzea lortu du. Espazioak ere badu garrantzia artelan honetan, harria zulatu eta espazioa eskulturaren bi aldeak lotzen dituelako.

Koldobika Jauregi Biografia

Idatziak eta kritikak

Elkarizketa. Koldobika Jauregui. Euskonews & Media 89.zbk (2000 / 7-28 / 9-8)
http://www.euskonews.com/0089zbk/elkar8901es.html
Juan Lumbreras Galeria.
http://www.galerialumbreras.com/art308.php

Estekak

Informazio gehiago:
http://www.tolosa750.net/koldobika_biografia.pdf
http://www.esculturaurbana.com/paginas/jauk.htm

Bibliografia

Askatasun garaiak : Espainiako artea 1975etik 1990era = Tiempos de
libertad : arte en España de 1975 a 1990. [Cat. exp.]. Donostia-San Sebastián,
Kutxa. 2006.
Euskal eskultura Kutxaren bilduman = Escultura vasca en la colección Kutxa. [Cat. exp.]. Donostia-San Sebastián, Kutxa Fundazioa. 2000.
Fernández, A. (2008). “Bosteko : euskal artistak = artistas vascos :
1998-2008”. [Bilbao], Bizkaiko Foru Aldundia, Kultura Saila.
Koldobika Jauregi (1991) “basoko mamuentzat”. [Cat. exp.]. Bilbao,
Fundación Alzate; [Vitoria-Gasteiz], Gobierno Vasco.
Gurpegi, M. (2007). “Herrientzako Eskulturak. Tolosako Euskal Eskultura Garaikide Erakusketa Iraunkorra. Tolosa. CIT.