Oroimenaren Gaztelua.

Izenburua	Oroimenaren Gaztelua.
Egilea	Rikardo Ugarte
Lekua	San Frantzisko pasealekua, Artxibo Probintzialaren aurrean
Materiala	Altzairua
Neurriak	300x30x30 cm
Inaugurazioa	1994ko apirilaren 25a
Sustatzailea	CIT

Ugartek 90.eko hamarkadan gaztelu itxurako eskulturak egin zituen. Sail haren barnean eginiko bat da Oroimenaren gaztelua. Ricardo Ugartek eskulturetan oinarri gisa altzairua erabiltzen du beti: T formadun habeak, altzairu laminatuak, edota moduluak.
Kasu honetan T formako altzairuzko habe luze bat da, baina bukaeran gaztelu itxurako kirtenak ditu. Kirten horiek hutsuneekin konbinatu ditu; baina eskulturaren gorputzean bolumen karratu batzuk islatu ditu. Betiere, gaztelu baten almenak diruditen formak errespetatu ditu.

Badu Nazioartean 60ko hamarkadan eman zen joera minimalistarekin parekotasunik: lerroen, egituren eta kromatismoen garbitasuna, formaren sinpletasuna.

Ricardo Ugarteren esanetan, Oroimenaren gaztelua iragan historikoaren eta taldeko memoriaren aipamena izan nahi du. Tolosaren memoria gordetzen duen Gipuzkoako Artxibo Orokorraren aurrean dago kokatuta, alegia, herriaren artxibo, dokumentu, idazki eta memoria guztiak gordetzen diren lekuan. Beraz, Tolosa babesten duen elementu sinbolikoa da. Aldi berean, gazteluak herriaren memoria islatu nahi du: iraganeko, gaur egungo eta etorkizuneko memoria. Halako esanahi indartsua duen altzairuzko eskultura bertikal hori 1994ko apirilaren 25ean kokatu zen. Artistak esaten duen bezalaxe, nahiz eta eskulturaren dimentsioak oso handiak ez izan, tolosarrentzat oso sinbolikoa den obra bat sortu du.

Rikardo Ugarte Biografia

Idatziak eta kritikak

Urquijo, J. (2002). Del habitat a la proa. Diario el Mundo.
http://ricardougarte.net/urquijo.html

Giralt-Miracle (1994). “Recepctáculos de la conciencia”. Catálogo de la exposición en Can Sisteré Santa Coloma de Gramenet-Barcelona.
http://ricardougarte.net/giralt.html

Estekak

Informazio gehiago: http://ricardougarte.net/

Bibliografia

Álvarez, M.S. MARTÍNEZ (1983). “Escultores contemporáneos de Guipúzcoa, 1930-1980 : medio siglo de una escuela vasca de escultura”. Donostia-San
Sebastián, Caja de Ahorros Provincial de Guipúzcoa.
Tolaretxipi, E. (2000) "Entrevista a Ricardo Ugarte de Zubiarrain" en Quimera : revistade literatura, nº 188-189, Bilbao, 2000, p. 8-14.
Urquijo, J. (1979). "Ricardo Ugarte, del habitat al balanceo" en Batik, nº 51, Barcelona, octubre 1979, p. 58-60.