William Tucker

1935ean jaio zen, Kairon, guraso ingelesak zituela. 1937an Ingalaterrara joan zen familiarekin. Oxfordeko Unibertsitatean Historia ikasi zuen (1955-58), eta Eskultura, berriz, Londresko Central School of Art and Design-en eta St Martin’s School of Art delakoan (1959-1960). Philip King eta beste zenbait eskultore britainiarren bidetik, eta minimalismoari men, lehendabiziko artelanek errepresentazio geometriko soiletarantz jotzen zuten, beirazko zuntza eta tonu distiratsuetako metalezko plaka koloretsuak zerabiltzala. 80ko hamarkadan bide hura utzi eta modelatuaren eta brontzezko hustearen teknikei berrekin zien eskulturak egiteko.
1961ean Sainsbury beka eman zitzaion, eta 1965ean, Peter Stuyvesant beka, eta Guggenheim Eskultura beka 1981ean. 1972an Britainia Handia ordezkatu zuen Veneziako Bienalean.
Erakusketa asko egin du, Estatu Batuetan eta Londresen batez ere. Haren lana Estatu Batuetako eta Britainia Handiko museo eta fundazio ospetsuenetan ikus daiteke.

Eskulturak

Izenburua Maia  Lekua Bilbo Ribera parkean kokaturik dago.  Materiala Brontzea  Neurriak 3.500 kg; 300 cm garai  Inaugurazioa 2002  Sustatzailea Instituzionala